SUPER AMARA Bera Berak jakin bazekin denboraldi hasiera gogorra izango zuela, iraila estuarekin eta gaur arratsaldean Bidebietan ezin izan du Rocasari aurre egin, hasieratik norgehiagoka menperatu duena (29-34, 15-19 atsedenaldian).
Lusson alboko jokalariak protagonismoa hartu du hasieran, kanariarren zazpi goletatik sei sartuz. Halere, SUPER AMARA Bera Berak erantzuna eman dio aukera ezberdinekin: Etxeberria, Azurmendi, Arderíus eta Sans. Gol bakar batera utzi du bere taldea Aramendiak baina segituan 0-3 partzialarekin Puchek hutsartea eskatu du.
Horrez gain, erasoan baloiak galtzen hasi ziren gipuzkoarrak, Trojaolak aprobetxatu dituenak. Rocasak minutuak banatu zituen eta Navarrok eta langak SUPER AMARA Bera Bera gelditu dute.
Bigarren zatian, Montse Puchek defentsa aldatu zuen, 5-1 Etxeberria aurrean kokatuz. Halere, Navarrok hutsuneak tapatu zituen. Gipuzkoarrak saiatu ziren banakako defentsarekin, María Gonzálezek zortzi goleko abantaila jarri zuen (50. min 22-30) baina Arderíus, Menéndez eta Guarieiro jokalarien bidez bost goletara jaitsi zuten (29-34).
Fitxa: SUPER AMARA Bera Bera 29, Rocasa 34
SUPER AMARA Bera Bera 29 (15+14): Castellanos, Etxeberria (4), Menéndez (3), Sans (3), Arderíus (7, 2p), Azurmendi (3) eta Aramendia (1) –titular- Cardoso (3, 1p), Guarieiro (4), Ederra, Ezkurdia (1), Zaldua eta Lladró (o.a.). Deialdian: Encina, Berasategi eta Karsten.
Rocasa 34 (19+15): Navarro, Falcón (1), Lusson (10), Haridian (5), González (3), Mbengue y Trojaola (7) –titular- Pizzo (2), Priolli (3) eta Schuster (3).
Epaileak: Muro (Madrid) eta García Mosquera (Andaluzia)
Kanporatuak: Guarieiro eta Cardoso Super Amara Bera Beratik eta Haridian (2), Mbengue eta González Rocasatik.
Partzialak: 2-3, 5-8, 8-10, 9-12, 11-16, 15-19 –atsedenaldia- 16-21, 18-24, 20-27, 22-30, 26-32 eta 29-34
Gertaerak: Batelerak Liga eta Kontxa irabazteagatik harrera izan zuten. Tati Garmendiak Maialen Múgica Bera Berako jokalari ohiari oroigarria eman zion eta Espainiako junior mailako hautatzailea izendatu berri duten Imanol Álvarez partida ikusten egon zen.
