Aurredenboraldiko hilabete erdia igarota, SUPER AMARA Bera Berak abuzturako programatutako bost lagunartekoetatik bigarrenari ekingo dio bihar Lasesarren (18etan). Aurrean, datorren denboraldirako gehien indartu den aurkaria, Hotel Gran Bilbao Zuazo.
Abuztuak 19 izan arren, frogatik hainbat gogoeta aterako dituzte bi entrenatzaileak, baliabide berriak taldera moldatzeko lan neketza dutenak.
Montse Pucheren kasuan, ezingo ditu Arrojeria eta Ausàs eraman ezta Maite Zugarrondo ere; albiste onak dira Silvia Arderius, Estitxu Berasategi eta Maitane Etxeberria, azken bi hauek taldearekin bat egin dute aste honetan eta minutu gutxi batzu izango dituzte bihar.
Ordutegiak
Hurrengo lagunartekoen ordutegiak ezagutarazi dira. Ostegunean, hilak 24, Kilometroak 2017 egitasmoaren alde, SUPER AMARA Bera Bera eta Aula Valladolid taldeek Oñatiko Zubikoan jokatuko dute 19etatik aurrera. Egiako txapelketan, berriz, abuztuaren 30ean, asteazkena 19,30etan, SUPER AMARA Bera Berak Frantziako Celles sur Belle taldea hartuko du aurredenboraldiari amaiera jartzeko Valladolidi itzuliko dio bisita irailaren 2an 18,30etan Huerta del Rey kiroldegian.
