Iaztik alderatuta zazpi aurpegi berri izango ditu SUPER AMARA Bera Berak, gaur goizean 2017-18 denboraldiari hasiera eman diona Anoetako miniestadioan burututako aurreneko saioarekin. Aldez aurretik, komunikabideei esanetara jarri dira Josean Gasca kiroldegian, irailaren 9an debuta egingo duten lekuan Europako joaneko kanporaketan.
Donostiarrek plantilla zabalaren aldeko apostua egin dute, Pucheren esanetan “konpensatua” dagoena, gazteria eta eskarmentua uztartzen dituena, bataz beste 24 urte azpiko jokalariez osaturik. “Zazpi jokalari berri izatea erronka da guretzeat, profil ezberdinak dituzte eta iaz ez bezala kanpoko jaurtiketa izango dugu aurten”.
Ezker hegalean eta pibotean izan ezik, gainontzeko postuetan nobedadeak eman dira, batez ere lehen lerroan: Silvia Arderius zentrala –iaz Loterías Ligako golegile nagusieana -, Elke Karsten –internazionala Argentinarekin-, Nora Azurmedi, etxera bueltatzen dena lau urte Alcobendasen eman eta gero; Mònica Ausàs eskuin alboko jokalaria eta Giulia Guarieiro, Brasilekin junior mailako internazionala izan zena. Horrez gain, Merche Castellanos atezaina eta eskuin hegaleko Adriana Cardoso, Bidebieta 2012-13 eta 13-14an izan zena.
Eta klubean jarraitzen dute: Alba Menéndez, Silvia Ederra, Uxue Ezkurdia, Esther Arrojeria, Maitane Etxeberria, Maite Zugarrondo, Judith Sans, Leire Aramendia eta Andrea Zaldua, Estitxu Berasategi –Junior mailako mundialean- eta Ane Encina. Eider Lizarbe Suediara joango da ikastera urtarrilaren amaiera arte, Ainhoa Etxeberria utzita jarraituko du Bilboko San Adrián de Bilbao taldean Zilarrezko mailan aritzeko non Lur Errekondorekin bat egingo du, izan ere, usurbiltarra Zarautzen arituko da.
Xabier Gorrotxateg, prestatzaile fisikoa
Xabier Gorrotxategi izango da prestatzaile fisikoa, Realeko hockey taldean aritzen dena. Bere ardura izango da taldea ondo iristea denboraldiko lehen zatira, izan ere, Puchek gogoratu duen bezala “oso konplikatua da, hiru partida zaila ditugu: Rocasa, Rincón Fertilidad eta Mecalia Atlético Guardés aurreneko lau jardunaldietan eta EHFko kanporaketa Portugaleko Colegio de Gaia taldearen aurka (irailaren 9 eta 16an)”.
SUPER AMARA Bera Berak bost lagunarteko jokatuko ditu denboraldi ofiziala hasi aurretik. Puchek ez du zalantzarik egin “guztia nahi dugu, baina EHFn batez ere kanporaketaz kanporaketa joan behar dugu”.
