Bihar asteartea, 11etatik aurrera Vienako Europako federazioko egoitzean EHF Cup eta Challenge Cup (ikusi hemen zuzenean) lehiaketako zozketak burutuko dira, emakumezko zein gizonezkoetan. SUPER AMARA Bera Bera da Loterías Ligako ordezkari bakarra eta Europako federazioak zerrenda buru izendatu dute donostiarrak aurreneko txanda honetan.
Hori dela eta, SUPER AMARA Bera Berak aurkari zailenak saihestu ditu kanporaketa honetan, joanekoa irailaren 9 edo 10ean jokatuko dena eta itzulera, 16 edo 17an.
Aurkarien artean dira Holandako txapeldun edo txapeldunorde VOC Amsterdam edo Morrenhof Jansen Dalfsen; Italiako txapeldun Jomi Salerno ezaguna, 2014ko azaroan kanporatu zuena; Portugaleko Colegio de Gaia, Poloniako KRAM Start Elblag, HB St. Truiden belgiarra, LK Zug suizarra, Greziako O.F.N. Ionias, Bielorrusiako HC BNTU-BelAZ Minsk, Kosovoko KHF Prishtina, Bosnia Herzegovina HZRK Grude, Txipreko A.S. Latsia, Azerbayaneko Nur Mingechavir edo Israeleko HC Holon.
SUPER AMARA Bera Berak ahalik eta gertuen jokatu nahi du eta aurrenekoa etxean, izan ere, bi partiden artean Rocasa hartu behar baitu Ligako bigarren jardunaldian eta irailaren 6ean Castellón hasi. Saihesteko, ahal balitz, Holandako biak eta poloniarra.
Biharko zozketan aurreneko bi kanporaketak izango dituen norgehiagokak ezagutuko dira. Urrikoan, besteak beste, maila handiko taldeak sartuko dira lehian: Danimarkako Kobenhavn Handbold edo Viborg, Alemaniako Buxtehuder edo TusSies Metzingen, Errusiako Zvezda Zvenigorod, Kuban edo Astrakhanochka, Frantziako Issy Paris edo Bessançon, Hungariako DKKA Dunaujvaros KA edo DVSC-TVP, Errumaniako HC Zalau edo HC Dunarea Braila eta Txapeldunen ligako atarikoan bi partidak galdu dituzten bi taldeak.
EHF Cupeko aurkariak:
GRE O.F.N. Ionias
NED Succes Schoonmaak/VOC
ITA Jomi Salerno
POR Colegio de Gaia
BEL HB St. Truiden
BLR HC BNTU-BelAZ Minsk
KOS KHF Prishtina
BIH HZRK Grude
CYP A.S. Latsia
AZE Nur Mingechavir
SUI LK Zug
NED Morrenhof Jansen Dalfsen
POL KRAM Start Elblag
ISR HC Holon
