Bera Bera Eskubaloiko arduradun Tati Garmendiak gaur goizean aurtengo Lotería Ligako golegile nagusia aurkezterakoan adierazi du “fitxaketa handia da 2017-18 denboraldirako”. Silvia Arderius, SUPER AMARA Bera Berako jokalari berriak 27 urte beteko ditu uztailean. Alcobendasen igaro du bere kirol ibilbidea eta azkeneko bi urtetan Aula Valladolid taldean.
Madrildarrak azaldu du “Bera Bera bezalako talde batekin sinatzen duzunean da titulu guztiak ditu helburu, talde garaile da, jokalari onenekin jokatuko dugu eta ahal den guztia irabazteagatik lehiatu”.
Datorren urtean taldeari gehiago eskatuko zaion galdeturik, zentralak esan du “oso zaila da irabazten jarraitzea azkeneko urtetan egin duen bezala”. Bere ustez “Ligan oreka handia dago eta badira talde batzuk oso plantilla onekin”, halere, egoera honek “presioa baino erronka da, polita gainera, bai etorri garenontzat eta hemen gelditzen direnentzat ere”.
Partidako zortzi gol baino gehiago sartu ditu Loterías ligako golegile nagusienak. Arderiusek onartu du “erasoan hobeto moldatzen naiz” eta txantxa moduan adierazi du “ea hemen lortzen duten defentsan gehiago aritzea”. Zentralak uste du “goleena ez da garrantzitsunea, nahiz eta aurten Aulan ardura hori izan, penaltietan ere bai”. Arderiusek uste du “erasoan nire papera hemen ezberdina izango da” baina onartzen du “oso eroso sentitzen naiz besteei baloia ematen”. “Erasoa dut joku esparru onena, eta nire uste apalean, talde honi da falta izan zaiona”, halere azpimarratu du “defentsa nahiz erasoa guztion gauza da”.
Baiezkoa ematerakoan zalantzan izan zituen galdeturik, Arderiusek “harrituta” hartu zuen deia eta “ez nuen asko pentsatu Bera Berari ezetz zaila baita”. “Espanian behin Bera Beran jokatuta kirol edo profesional mailan hezi nahi baduzu eta dago beste lekurik, kanpora joatea besterik ez duzu”.
Madrildarrak ez du presiorik sentitzen. Onartu du “urduri nago Bera Beran exijentzia beste bat delako “ baina era berean dio “urduritasun hori da hemen nola egiten den lan jakin nahi dudalako lehenbailehen eta beste jokalari on asko daude ondoan. Ardura Bera Beran ez du jokalari batek bakarrik hartzen eta horregatik, lasai nago” amaitu du.
