Merche Castellanos SUPER AMARA Bera Beraren atepean egongo da datorren denboraldian, bi aldeak adostasunera iritsita eta gaur goizean sinatutako hitzarmenaren arabera.
Ostean, Bera Bera Eskubaloiko Tati Garmendiak Castellanos aurkeztu du komunikabideen aurrean La Perlako Burger terrazan. Prosetecnisa Zuazotik datorrena, Garmendiak uztailean 29 urte beteko dituen atezainaren ibilbidea azpimarratu du, “Espainiako selekzio absolutora eraman duena eta duen eskarmentuak ondo etorriko zaigu”.
Ciudad Realetik Alcobendasera joan zen Castellanos, non sei denboraldi eman zituen, horietatik hiru Zilarrezko mailan. Horren ostean denboraldi bat Mar Alicanten burutu zuen (2011-12), Frantziako Le Havre taldean hiru urte eta azkeneko biak Barakaldon.
Castellanosek adierazi du “gogo handiz etorriko naiz Bera Berara, tituluengatik lehiatzeko asmoz, lan asko egoteko prest eta ilusionz”. Ana Tempranoren ekarpena azpimarratu eta bere ustez “taldeari laguntzeko prest nago, adinez zaharrenetakoa izango bainaiz”.
Ciudad Realekoak Maite Zugarrondorekin lortu zuen urrea iaz Valentizako Unibertsitate mailako Mundialean, non Arrojeria, Menéndez eta Aramendia taldekideekin bat egin zuen.
Tati Garmendia: “Talde eraginkorra osatzen ari gara”
Bestetik, Tati Garmendiak azpimarratu du “datorren urteko taldea eraginkorra izango da”. Onartu du emandako bajak “garrantzitsuak direla”, baina “ordezkoak ere bai”. “Garbi dudana da ez dela inor ezinbestekoa, bere garaian Darly Zoqbi joan zen, María Núñez eta Elorza era bai eta iaz Ziarsolo eta Pinedo” gogoratu du aipatzeko “ez zaigu gaizki joan”.
Bere ustez, “Europan eskaparatea gara, gure jokalariak internazionalak bihurtzen ditugu eta hori guztiarekin kontuan hartu behar dugu”. Amaitzeko “taldea alboko bi jokalariekin itxiko dugu eta orain erronka jokalari horiek guztiak elkarri moldatzea”.
