Iaz bezala, Loterías Ligak azken jardunaldian ezagutzera emango du aurtengo txapelduna, gaur Bidebietan lan eta esfortzu handia eginez, duen eskarmentuari esker SUPER AMARA Bera Berak Prosetecnisa Zuazo Barakaldo (23-22) gainditu du, hortaz, datorren larunbatean gaur Valentzian aise nagusi den Mecalia Atlético Guardés estutu du, galizarrek gutxienez puntu bat behar dutelako.
ETB4k eman duen derbiak, Bidebietan azkena, zalegoa erakarri du, emozio handiko partida ikusi duena, bi zatiak ezberdinak izan direlarik. Lehenengo zatian SUPER AMARA Bera Berak bizkaitarren akatsak aprobetxatu ditu, hasieran Menéndez oso eraginkor ibili da –lau gol jarraian- eta ondoren Sans eta Aramendiak kontraerasoak gauzatu dituzte. Gipuzkoarrek Guardes presionatu nahi zuten eta bizkaitarrek laugarren postua ziurtatu nahi zuten Europan aritzeko aukera ematen duena.
Bigarren zatian, Prosetecnisa Zuazok Oihane Gil erdian kokatu du, Egozkuek asmatu du hasieran Sandra Gilek bezala eta aitaren bateaan bizkaitarrek lehia berdindu dute eta kapitainak bitarte aurretik jarri ere bai (44. min 14-15). SUPER AMARA Bera Bera ez zegoen eroso, bai ordea aurkaria, birritan bi goleko aldea izan duena.
Halere, SUPER AMARA Bera Bera indarrak atera ditu, Ezkurdia, Marta López, Menéndez eta Elorzak asmatu dute, markagailua irauliz eta azken minutuetan partida bereganatzeko.
Azken jardunaldian, gipuzkoarrak Leónen arituko dira eta Mecalia Atlético Gaurdések KH7 BM Granollers hartuko du.
SUPER AMARA Bera Bera 23 (11+12): Temprano, Elorza (1), Menéndez (5), Martínez (4, 1p), Aramendia (3), López (3), Ederra (1) -titular- Sans (3), Ezkurdia, (3) Zaldua, Lizarbe, Berasategi, Encina eta Zugarrondo (o.a.). Deialdian: Lizarbe.
Prosetecnisa Zuazo 22 (10+12): Castellanos, Espínola (3), Elizegi, Martín, Egozkue (8, 4p), Hernández (5), Mujika (1) - Velasco, Martínez, Oihane Gil (3), Agirregomezkorta, Alexandra Gil (2), De Andrés, Beristain eta Aallá (o.a.)
Epaileak: Antonio Merino eta Francisco Javier Moyano (Gaztela Leoi).
Kanporatuak: Sans, Martínez (2) eta Menéndez SUPER AMARA Bera Beratik eta Martín eta Egozkue Prosetecnisa Zuazotik.
Partzialak: 1-1, 4-3, 6-4, 7-5, 9-5, 11-7 –atsedenaldia-, 12-10, 13-13, 14-15, 16-18, 20-20 eta 23-22.
Gertaerak: Bera Berak Zilarrezko mailara igo den senior taldea eta gaur Gipuzkoako jubenol Kopa irabazi duen taldeak omendu ditu eta amaieran López, Fernández, Elorza eta Temprano jokalariei oroigarri bana eman die.
