SUPER AMARA Bera Bera hegazkinez iritsi da gaur Las Palmasera non bihar 19,30etan (Euskadiko orduan) Loterías Ligako 23. Jardunaldiari ekingo dion Rocasa Ace Gran Canaria bisitatuz (Ignacio García y Andreu Marín, Catalunya). Partidaren garrantzia dela eta Espainiako Federazioko web orrialdetik jarraitzeko aukera dago, marca.com edo Liga4sport.com.
Azken deialdiarekin konparatuz gero, Montse Puchek Marta López prest du –Espainiako selekzioara deitu dutena Sansekin batera- Eider Lizarbe ordea Bidebietan geldituko da Zilarrezko maila igotzeko fasean. Bestetik, Maitane Etxeberriari atzo egindako erresonantziak hematoma berretsi du jaio zenetik desplazaturik duen orno batean.
Azkeneko bi urtetan bezala, gipuzkoarrak Teldera iritsi dira partida irabazteko beharrarekin lidergoan jarraitzeko, egun bat egiten baitute SUPER AMARA Bera Berak eta Elche Mustang A Sangriñan hartuko duen Mecalia Atlético Guardések. Kopako finalarekin konparaziorik ezin bada ere, donostiarrek lehengo zatian O Porriñon egindako jokuari jarraipena eman nahi diote, Ligako gidaritza sendotze aldera bi jardunaldien faltan. Taldea Tirajana herrian entrenatuko da gaur arratsaldean.
