Ez du zorterik Melinda Louisek. Egin dioten erresonantziaren arabera, super amara Bera Berako jokalariak haustura du aurreko lotailu gurutzatuan eta haustura txikia du eskuin belauneko menisko medialaren atzeko adarrean.
European Leagueko joaneko partidako bigarren minutuan, eskuin hegalekoak min hartu zuen Telden, kontraeraso batera azkar irtetean, bederatzi metroetara iritsi zenean gelditu behar izan zuen eta lurrean minduta geratu zen. Louis aulkira erretiratu zen, eta miaketak lesioaren larritasuna islatu du. Oraindik ez dago ebakuntza egiteko datarik, baina ziurrenik Louisek denboralditik geratzen dena galduko du.
