Larunbatean Gascan Elda Prestigioren aurka lortutako garaipena dastatzeko ia denborarik gabe, batez ere nola gauzatu zen, super amara Bera Bera Kanariar Uharteetan dago jada, eta bihar ekingo dio Guerreras Iberdrola Ligako bosgarren jardunaldiari, Rocasa Gran Canaria taldearen aurka, honek datorren asteburuan Europan duen konpromisoagatik aurreratutako partidan. Alberto Moreno eta Pablo Garcia epaile andaluziarrak zuzenduko duten norgehiagoka 20,30etan hasiko da (Donostiako orduan).
super amara Bera Berak azken partidako deialdia errepikatuko du, hau da, Jon Begiristain lehen entrenatzaileak baja medikoan jarraitzen du, eta, beraz, bere postua Xabat Belokik beteko du, Eldaren aurkako garaipenaz gehiegi gozatu ezin izan duena. “Egutegia horrela da da” onartu du entrenatzaile usurbildarrak, eta adierazi du “Rocasaren egoera berean gaude, larunbatean ere jokatu baitzuen”.
Rocasak eskuratutako Superkoparen aurrekariarekin, Guerreras Iberdrola Ligan egoera guztiz kontrakoa da. super amara Bera Berak lau partidak irabazi ditu, Rocasak Lanzaroten bakarrik eta Replasa Beti Ona eta Costa del Sol Málaga biek izan dituzte aurkari. “Egia da ligan ez duela emaitza onik izan, baina partida batera dena gerta daiteke” zehaztu du entrenatzaileak.
Belokik “joan den larunbateko sentsazioak” eraman nahiko lituzke Teldera. “Partida biribila izan zen, batez ere defentsan, eta horrek konfiantza handiagoa eman zigun erasotzeko orduan”. Baina aurrean Rocasa dago. 2026an, Kanarietako taldeak donostiarren aurka jokatutako lau partidak irabazi ditu. Urtarrilean, liga erregularrean (25-24); play-offetako finaleko bietan, eta irailean, Superkopan (25-23), erreferentziazkoa izan daitekeena. Belokik onartu du “Rocasaren aurkako partidak ez dira errazak, Superkopan eta joan den denboraldiko finalean ikusi genuen. Dezente kostatzen zaigu”. “Helburua geure buruan pentsatzea da, partidak defentsan irabazten dira, eta lan ona egiten badugu, kontraesaroak errazagoak lirateke, talde ona gara zentzu horretan, eta dinamika horretan jarraitu nahi dugu” amaitu du.
Superkoparekin alderatuta, super amara Bera Berak Mathilde Plottonen berritasuna du, Etxeberria – minutu gutxi batzuk minduta jokatu zuen- eta Arroyo – 23. minutuan lesionatu zen – berreskuratu ditu, eta Kruijswijk eta Frescoren bajak ditu. Rocasak, bere aldetik, Lulu Guerra galdu du – larri lesionatu zen Superkopan-, Oliveira lehen lerroa berreskuratu du eta Candelaria Cuadrado 22 urteko atezain argentinarra fitxatu du.


































