super amara Bera Berak HSG Bensheim/Auerbach Flames taldeari egingo dio bisita urtarrilaren 18an, larunbatean (16etan, ETB1). Alemaniako taldeak Norvegiako Fredrikstad taldea gainditu zuen etxetik kanpo (28-39), European Leagueko multzoen faseko lehen jardunaldian. Elsenfeld da talde honek jokatzen duen tokia, Frankfurtetik ordubetera hegomendebaldean, gaur egun Alemaniako liga indartsuko bosgarren sailkatua da, eta atzo Ludwigsburg liderrarekin (37-25), -Txapeldunen Ligako txapeldunordearekin-, galtzetik dator.
HSG Bensheim/Auerbach Flamesek kalitate handiko lehen lerroa du. Kim Irion taldea zuzentzen du, 33 urteko zentrala. Esperientzia handia du Europako elitean, eta oso ondo moldatzen da albokoekin, Kretzschmar eta Engel internazionala. 21 urte ditu Engelek, azken Europako txapelketa jokatu duena, eta Kretzschmarrek gol-ahalmen handia du, izan ere, hamar gol sartu zituen Norvegian. Friedberger eta Ehlert dira lehen lerroaren ordezkoak, Soffel gaztea ere bai.
Zentzu horretan, deigarria da talde honen partidek gol kopuru altuak dituztela. Izan ere, bigarren talderik golegileena da, ia 31 gol partidako. Halere, Bundesligako gol gehien jaso dituen taldea da (28,7 gol).
Hegaletan, Agwunedu eta Berger, kontraerasoan irteera handia eta definizio onarekin, Ziercke eta Polszez ordezko. Pibotean, Hurst eta Nukovic eta atezain Van Beurden, Herbehereetako beteranoa eta Vanessa Fehr, Kongokoa.
Taldea zuzentzen du, bere bigarren denboraldian, 49 urteko Heike Ahlgrim. 23-24 multzoen fasean, HSG Bensheim/Auerbach Flamesek bi partida irabazi zituen etxean, horien artean, MKS FunFloor Lublin taldeari.
Super amara Bera Bera, goizean Bidebietan entrenatuko da, 14,30etan irtengo da Autocares Davidekin Loiura non hegazkina hartuko duen Frankurtera.
