Azkeneko lau partidetatik bakarra irabazi arren, Zilarrezko mailan debutari den Bera Bera pozik ageri da lehen itzulian egindako lanarekin. Laugarren sailkapenean, Colores liderra gainditu duen talde bakarra izan da eta bi partida gol batengatik galdu ditu. Zaragoza, Beti Onak eta Errotabarri dira abantaila hartu duten taldeak, Bera Berak baino sei puntu gehiago dituzte bizkaiatarrek. Donostiarrekin bat Loyola dago, La Jota –larunbateko aurkaria- bat gutxiago, Camargo bezala, Kukullaga bi gutxiago eta hirura kokatu da Zarautz, larunbatean derbia irabazita Aritzbatalden.
Hortaz, akaso puntu gehiago merezi izan diru taldeak baina kontutan hartu behar da denboraldi hasieran Amaia Zolezzi galdu zuela, eskubaloia utzi zuelarik; Amaia Egurenek, sasoiko zegoela, meniskoa apurtu zuela 5. Jardunaldian eta azken bi partidetan Andrea Saez atezaina ere baja izan dela.
Golegile nagusia June del Campo da (61 gol), ondoren datoz Ainara López (43), Haizea Urretabizkaia (37), Elene Vázquez (35), June Ruiz de Gauna (28), Eider Tapia (25), Olaia Lizeaga (19), Irati Azkue (19), Maialen Eguren (11), Maren del Campo (10), Aiora Macicior (9), Evelyn Briones (8), Amaia Eguren (7), Oihana Murgiondo (6), Libe Sarriegi (2) eta Andrea Saez (1),
Horrez gain, hiru jubenil ere debutari izan dira Zilarrezkoan: Murgiondo, Nora Urtasun eta Amaia Ausin atezaina.
Euskal Liga, mailari eusteko zorian
Larunbatean, Lacturale Bera Bera jubenil taldearen garaipena esan daiteke Euskal Ligari eutsi diogula, matematikoki oraindik gauzatu ez arren. Kadete eta jubenilen taldeek lortu dituzten puntuen gehiketak datorren urtean maila honetan egongo lirateke azken bi jardunaldietan sorpresarik ezean.
Jubenil taldeak Euskal Ligaren bigarren fasea egotea bermaturik dauka eta kadete taldeak oraindik aukerak lituzke, baina horretarako igandean Kukullaga liderraren aurka –zaila, oso-, edo Elgoibarren azken jardunaldian puntuak urratu beharko lituzke.
Argazkian, bere taldeak Izaro Garcia izan zuen gogoan partida atarian, aste honetan ebakuntza egin diotelako jubenil mailako jokalariari.
Emaitzak:
Zilarrezko maila:
AIALA ZARAUTZ Z.K.E. 23-22 BERA BERA
Euskal Liga:
Jubenil neskak:
MEK EIBAR ESKUBALOIA 17-25 LACTURALE BERA BERA
Kadete neskak:
MEK EIBAR ESKUBALOIA A 45-29 LACTURALE BERA BERA
Gipuzkoako txapelketan
Senior mutilak:
ERREKA Bergara KE 22-26 BERA BERA
Jubenil neskak:
BERA BERA 18-21 EGIA SEICAR
Jubenil mutilak:
EREINTZA BEISSIER 23-37 BERA BERA
Kadete neskak:
BERA BERA 23-40 LARRAIOZ ZKE
Infantil neskak:
BERA BERA LARANJA -- TOLOSA C.F. ESKUBALOIA BI
BERA BERA URDINA -- SAIEKO MIMAI ESTETICA
Alebin
Delta ORIO 6 12-17 BERA BERA
