super amara Bera Berak eta Zuazok partida interesgarria jokatu dute gaur arratsaldean Oñatiko Zubikoa polikiroldegian – aforoa osatu du –, emozioz beteta amaierara arte, hasieratik talde donostiarra nagusi izan bada ere, baina ezin izan dio talde bizkaitarrari eutsi bigarren zatian.
super amara Bera Berak Maitane Etxeberriaren abiaduraren hasiera baliatu du lagunarteko honen hasieran tartea irekitzeko. Arrojeriak 5-1 jarri du kontraerasoan zortzigarren minutuan, baina Zuazok erantzun bikaina eman dio Sarrionandia eta Zaballa jokalariekin, Tapiak dotore bukatu du Bera Beraren jokaldi ona eta Garcia piboteak, gipuzkoarren galerak aprobetxatuz (6-3) bere taldea hurbildu du.
Joaok taldea luzatu du eta aldaketak iritsi dira. Nazioartekoen bajak direla eta, Imanol Alvarezek Zilarrezko taldeko hiru jokalari erabili ditu: Vázquez, Azkue eta June del Campo eta Lacturale Bera Berako Oihana Murgiondo jubenila. Gazteek ondo bete dute lana, Azkuek sutsu defendatu du erdian, lehen taldearekin debuta eginez, Murgiondok bezala, izan duen lehen baloian asmatu baitu.
Zuazoren aldetik, Orbañanos eta Saizen ekarpen ona egin diote taldeari. Publikoak Hernandezen golak txalotu ditu eta atsedenaldira Zuazo hurbildu da berriro (16-14).
Bigarren zatian Zuazoren erreakzioa iritsi da partida berdinduz du eta ez hori bakarrik, aurretik jarri da. Raquel Morek ondo jokatu du ateari begira, Amilibiak bezala. Bestalde, donostiarrek Zuazoren defentsarekin eta atearekin egin dute topo, eta Elene Vazquezen bitartez berdinketa lortu duten arren, ezin izan dute Zuazo geldiarazi. Orbañanosek itxi du partida baselina batekin Pradesen aurrean minutu bat falta zenean.
Fitxa:
super amara Bera Bera 30 (16+14): Kostic, Etxeberria (5), Menéndez (1), Tapia (2), Arrojeria (4), Joao (4) eta Louis (2) – hasierako zazpikoa- Murgiondo (1), Azkue (1), J. del Campo (3), Hernández (5, 2p), Vázquez (2) eta Prades (o.a.).
Partzialak: 2-0, 5-2, 8-5, 11-7, 14-11, 16-14 – atsedenaldia- 19-16, 19-19, 22-22, 25-24, 27-29 eta 30-32
