Europako Eskubaloi Federazioak (EHF) gaur goizean jakinarazi ditu multzoen faseko ligaxkako datak eta ordutegiak. Aldaketak funtsezkoak dira, izan ere, etxetik kanpo hasi eta bukatu beharrean, super amara Bera Berak Gascan egingo du debuta, urtarrilaren 11n (18etan) Paris 92ren aurka, eta Donostian ere itxiko du fasea, otsailaren 23an (igandean 18etan) HSG Bensheim/Auerbach Flames alemaniarraren aurka.
Talde bakoitzaren gorabeherak eta telebistako ordutegiek eragin dituzte aldaketa horiek. Gainera, EHFk multzoen faseko ordutegiak mugatuta dituenez, bi partida ohikoa ez den ordu tarte batean kokatu behar izan dira, igandetan, 18etan, alegia.
Hortaz, super amara bera Berak Paris 92 bezalako kartel handi batekin hasiko du fasea. 2021eko urrian Gasca bisitatu zuena, partida berdinduz (27-27). Urtarrilaren 18an, larunbatean (16etan), Alemanian jokatuko dute donostiarrek, Frankfurtetik gertu. Urtarrilaren 26an – igandean, 18etan- Norvegiako Fredrikstad Ballklubb taldeak Gasca bisitatuko du astebeteko geldialdira iristeko.
super amara Bera Berak Norvegia -otsailaren 9an, 18etan- eta Paris lotuko ditu -otsailaren 26an, 16etan-, eta Gascan itxiko du fasea, HSG Bensheim/Auerbach Flames alemaniarraren aurrean, esan bezala, otsailaren 23an, 18etan.
Ondorioz, super amara Bera Berak KH7 BM Granollers (urtarrilak 8, 19etan), Grafometal La Rioja, Replasa Beti Onak, Atticgo BM Elche, Costa del Sol Málaga eta Conservas Orbe Rubensa Porriño, ligako partida guzti hauek aurreratu behako ditu.
Horri guztiari Gascan pista urdina eta 80 metro led jarri behar izateak sortzen duen arazoa gehitu behar zaio, baita instalazioak hartzen dituen gainerako kirol-modalitateekiko bizikidetza ere.
Asteazkenean, prentsaurrekoan, Tati Garmendia saileko arduradunak European League 2025eko multzoen fase historiko honetarako abonu proposamena zertan datzan azalduko du.
