Bera Bera

Select your language

Zarauzko Aritzbatalde kiroldegiak hartuko du bihar, larunbata (19etan) Super Amara Bera Berako lehen lagunartekoa, Zubileta Evolution BM Zuazo izango du aurkari Europako kutsua izango duen aurredenboraldian.

Beraz, hiru fitxaketentzat lehen proba izango da: Shula Gavilan pibotea, Zuazoko jokalari ohi Anne Erauskin eta Paula Arcos. Deialdian ere Oihane Bautista atezaina eta Eider Tapia pibota gazteak sartuko dira.

Erauskinek debuta egingo du bere taldekide ohien aurrean. "Ilusio handia egiten dit haien aurrean jokatzeak, aurpegiak ikusteak, ezberina izango da, baina ilusioz gainezka nago", adierazi du. Lehen egun hauetan, Ermuko hegalariak “oso pozik” dagoela adierazi du “taldearen harrera ezin hobea izan delako, eta entrenamenduetan gogo handiz ikusten dut neure burua, ilusio handiarekin, eta oraingoz dena oso ondo doa”. Aitortzen du bere gorputza saio bikoitzak “sentitzen” ari dela, baina onartzen du “egun hauetako dinamika” da. Zortzi lagunartekoen aurrean, Erauskinek esan du “honen guztiaren gauzarik zirraragarriena lehiaketa dela, partidak eta lehenengoa dut buruan”. “Ahalik eta hobekien egin behar dugu, ligari begira sentsazioak hartzeko”, amaitu du.

Bestalde, Shula Gavilánek onartzen du Gascan lan egitearen edo Frantzian egitearen arteko aldea ezberdina dela. "Hemen korrika asko egiten dugu ", esan du irribarrez. Era berean uste du “ekarpen handia eman diezaioket taldeari, fisikoki ondo nago, oso ondo nire kideekin, eta, pozik joko-sistemarekin, Frantziako txipa aldatu eta liga horretan hartu nuen esperientzia eman nahi dut”.

Argentinako nazioarteko pibotak “lan-giro oso ona” nabarmendu du, eta, horren ondorioz, “nekatuta bazaude, zure taldekideengana jo dezakezu”. Taldeari dagokionez, Gavilanek azpimarratu du "oso harrera ona egin didate”, eta lagunartekoak “nola gauden erakutsiko digute, errealitatea, entrenamenduekin elkar ezagutzen ari garelako”. “Aurredenboraldia bizia izango da, kargatua, eta modu onean prestatuko gaitu helburu handiak ditugun denboraldi honi begira”.

Zuazok, bere aldetik, hainbat berrikuntza dakartza: Andrea Zaldua (Aiala Zarautz), Sara Molés (Aula), Nerea Gil (San Quirze) eta Ane Valero (Kukullaga), besteak beste. Baja dira Erauskin, Ane Encina eta Paula García.

Zarautzen jokatutako derbiaren ondoren, Super Amara Bera Berak Frantziako bi talde, daniar bat, alemaniar bat eta portugaldar bat izango ditu aurkari.

Abuztuaren 10ean (asteazkena, 17etan) Baionan Merignac izango du aurrean eta 15ean Frantziara joango da Tournoi des Belles des Deux-Sèvres txapelketa jokatzeko. Asteartean, Celles sur Bellen (18,15etan) Danimarkako Ikast Handball taldearen aurka neurtuko ditu indarrak (hirugarren geratu zen bere ligan zein European Leaguen eta multoen fasean kokatu du EHFk), asteazkenean (20,15etan) Celles sur Belle taldearen aurka Thouars-en eta ostiralean hilaren 19an (17,15etan), Leverkuen Celles sur Belle herrian.

Abuztuaren 24an Egiako Torneoan partehartuko du, Gurpea Beti Onak Asparren Gestion Guerreras Iberdrola Ligara igo berri den talde nafarraren aurka indarrak neurtuz. Aurredenboraldia Summer BAG txapelketan amaituko da, aurten eszenatokiz aldatuko dena, Leongo Villacelaman, hain zuen. Abuztuaren 26an (ostirala, 18etan) Super Amarak Benfica izango du aurkari, Liga eta Kopako txapelduna Portugalen, eta larunbatean Caja Rural Aula Valladolid edo Mecalia Atlético Guardesen aurka amaituko du.

Laburbilduz, larunbatean, Super Amara Bera Berak aurredenboraldi zorrotza hasiko du lau herrialdeetako taldeen aurrean eta Guerreras Iberdrola Ligako hiru talderen aurka.

Babesle nagusia / Patrocinador oficial

Babesle instituzionalak / Patrocinadores institucionales

Babesle ofizialak / Patrocinadores oficiales

  •  

Babesleak / Patrocinadores

Laguntzaileak/Colaboradores