Emakumezkoen Gipuzkoa Sortzen-en garaipen sendoa denboraldiari amaiera emateko, S14ko final zirraragarrian porrot estua giro ikusgarriarekin Puion, eta gainerako taldeentzat porrotak, bigarren euskal mailako talde barne, nahiz eta denboraldi ona egin, zapore gazi-gozoarekin amaitu du denboraldia.
Ohorezk B maila-ko Gesalaga Okelan Gipuzkoa Sortzenek ezin izan zuen punturik ekarri Narancotik. Aurrean Real Oviedo sendoa izan zuten, eta aurreko lerro indartsuari esker 30-25 nagusitu ziren. Sailkapenean ez da aldaketarik, baina partida hau aldaketa batzuekin irabaz zitekeen, bukaerara arte berdinduta egon baitzen. Bi jardunaldi falta dira Gipuzkoa Sortzen proiektuaren lehen urtea amaitzeko, eta etorkizuneko proiektu sendo baten oinarriak finkatzen ari da.
AVK Gipuzkoa Sortzen gizonezkoen lehen euskal mailako taldeak porrota jaso zuen Elorrion, urte osoan partida bakarra galdu duen liderraren aurka, eta hori gainera lehen itzulian Anoetan izan zen. Jardunaldi bakarra falta da liga amaitzeko, baina Etor-en mutilak oraindik finalerdietara sailkatzeko aukerak dituzte. Azken aurkaria Menditarrak izango da, eta garaileak laugarren postua lortuko du.
Emakumezkoen AVK Gipuzkoa Sortzenek garaipen bikaina lortu zuen Envases Rioja-ren aurka. Adriana, Ignacio eta Arrateren talde gazteak hazkunde argia izan du, nahiz eta egutegiko arazoengatik ez dituzten partida guztiak jokatu. Hala ere, hirugarren fase bat geratzen da. Taldea sendotzen jarraituko dugu eta jokalari gehiago erakartzen saiatuko gara.
Bigarren euskal mailako Gesalaga Okelan Gipuzkoa Sortzenek denboraldia porrot batekin itxi zuen Igoñen, Arratiko Zekorrak-en aurka. Sailkapeneko azkenaurreko postuan bukatu arren, gehienetan lehiatu dute eta jende asko bilduta, garaipenak ere izan dira. Zorionak giro bikainagatik eta talde arteko batasunagatik!
S18 taldeak ezin izan zuen jokatu, aurkaria ez zelako agertu. Pena bat, urtean zehar hobekuntza nabarmena izan baita, eta Txema, Joako eta Anderren mutilak lehiatzen jarraitzeko gogoz daude.
AVK Bera Bera S16 taldeak egurrean jaso zuen Hernaniren aurka, Espainiako txapelketara joan aurretik. Azken asteetan autokonplazentzia handia, joko desordenatua eta intentsitaterik gabe, bai erasoan eta bai defentsan. Abisua jaso dugu: %110 eman ezean, sufritu beharko dugu. Denboraldi ona izaten ari zen, eta oraindik liderrak gara, baina Getxo eta Bilbao garaitu beharko ditugu lehen postua mantentzeko.
Larunbat goizean Puion, giro bikaina izan zen S14ko Gipuzkoako final zirraragarrian. Bultz Bera Bera markagailuan aurretik egon zen ia bukaerara arte, baina Txingudiren hiru mehatxuei aurre egiteko defentsa izugarria izan arren, erasoko akatsek txapela kentzea eragin zuten. Zorionak Txekorra eta Kopiren taldeari, eta ziur hurrengo urteetan poz handiak emango dituztela. Diote porrotak irabazteak baino gehiago irakasten duela, eta hurrengo finalean hobeto prest egongo direla.
