Lehenengo mailako donostiar derbia larunbat arratsaldean Aieten, liderraren aurkako garaipenaren ostean 18 urtez azpikoentzat konfiantza sendotzeko partida ederra, 16 urtez azpiko neska-mutilentzat partida gogorra Puion eguerdian eta igandean eskola irekita egongo da, beti bezala, errugbia probatu nahi duen ororentzat.
AVK Gipuzkoa Sortzenek donostiar derbia jokatuko du Atletico San Sebastianen aurka larunbatean 16:30etik aurrera Aieteko zelaian, beti intentsitate handiko eta ikusteko polita den partida, bi taldeek jokoan dauden puntuak baino gehiago lortu nahi dituztelarik. Atletikok Getxo eta Durango garaitu ditu azken partiduetan, beraz, konfiantzaz beteta egongo da. Etorren mutilek denboraldi ona egiten ari dira laugarren postuan, baina emaitzei dagokienez irregularrak izaten ari dira tarteka. Larunbata aukera bikaina izango da giro paregabean errugbiaz gozatzeko, hori seguru.
AVK Bera Bera Txingudi S18 taldeak liderrari irabazi ostean konfiantzaz beteta ekingo dio larunbateko partiduari. Txemak, Joaquinek eta Anderekin entrenatutako mutilak La Unicaren aurka ariko dira, sailkapenean azken postuan dagoen taldea baina gertu dagoena. Distantzia handitzeko aukera ederra dute. Larunbatean 12:30ean Plaiaundin.
AVK Bera Bera S16ko neska-mutilek Ordizia jasoko dute larunbatean 13:30etik aurrera Puion. Ordiziak Hernanin galdu ostean, ia Euskadiko txapelketako play-offeko lehen lau postuetatik kanpo geratu da. Liderrak dira, baina jokoan hobekuntzak egiten ari dira, eta larunbatekoa partida oso zaila izango da, joanekoan irabazteko lanak izan baitzituzten.
Igandean, 9:00etatik aurrera, eguna hasteko modurik onena gurekin entrenatzera etortzea da Bultz Bera Bera errugbi eskolara. Denok gonbidatuta zaudete!
