urtea hasteko erronka askorekin bueltan dira Bera Berako talde guztiak. Albiste bikaina: Puio errugbi zelaia ofizialki homologatu dute, eta bertan jokatuko dira lehen partidak.
Guipuzkoa Sortzen Ohorezko B Mailako taldea Gijónetik 5 punturekin itzuli behar da. Emakumezkoen taldeak partida zaila izango du Elorrion, lehen mailako maskulinoak sentsazio onak berreskuratzeko aukera izango du Bilbon, eta Bigarren Mailako taldeak erronka eder bati aurre egingo dio Iruñean.
S18 taldeak Puion jokatuko du Hiruherriren aurka partida ofizial batean; S16ek liderra bisitatuko dute Ordizian; S14ek partidu bikaina jokatuko dute Irunen; eta Bultz Bera Bera eskola Puion Gaztedi eta Zarautz Beltzakeko neska-mutilak hartuko ditu jardunaldi ofizialean.
Gesalaga Okelan Ohorezko B Mailako taldea sailkapeneko azkenari, Gijón Rugbyri, bisita egingo dio larunbatean, 16:00etan, Gijónen. Zaila izango da elite-taldean sartzea, baina oraindik 10 puntu dago jokoan, eta matematikoki aukerak badaude. Gure lana egin behar dugu, 10 puntu lortu, eta beste zelaietan gertatzen denari begiratu. Partida zuzenean jarraitu daiteke honako estekan: https://www.youtube.com/watch?v=iIzMCBnFu8c
AVK Gipuzkoa Sortzen emakumezkoek partida zaila izango dute Elorrio Urgozo taldearen aurka, bigarren faseko lehen partida ondo irabazi baitute. Gure nesken ahalmena erakusteko unea izango da. Larunbatean, 16:00etan, San Roke, Elorrio.
AVK Gipuzkoa Sortzen gizonezkoen lehen mailako taldeak garaipenaren bidea eta joko ona berreskuratu behar ditu azken jardunaldiko porrotaren ondoren. Uni. Bilbaok puntu bakarra du gutxiago, bosgarren postuan, beraz, serio jokatzea eta astean egindako lana zelaian erakustea besterik ez da geratzen. Larunbatean, 16:00etan, El Fango.
Bigarren mailako taldeak La Única bisitatuko du larunbatean, 15:00etan, Iruñean. Iruñekoak hirugarrenak dira eta ia gure puntu kopurua bikoizten dute, baina zergatik ez ustekabea emateko borrokatu?
