Bera Bera Ordiziak Gaztediren aurka jokatuko du Euskal Ligako finalerdia. Lagunartekoa Old Suliansen aurka datorren asteko play out-a prestatzeko gizonezkoentzat eta lagunartekoa Gasteizen S16entzat.
Joan den astean Durangoren aurka lortutako garaipenaren ondoren, gure neskek igande honetan jokatuko dute, 11:30etatik aurrera, Gaztediren aurka, Gasteizen. Partida bakarreko finalerdia, denboraldi osoan etengabe hazi den talde batentzat, bigarren itzulian onenen aurka lehiatzen ikasi zuena eta kanporaketetan erakusten ari dena. Animo neskak, zer gerta ere, zuetaz harro gaude.
Gizonezkoen taldeak lagunartekoa jokatuko du Old Sulianseko ingelesen aurka datorren asteko partida prestatzeko, maila jaistea saihesteko. Gazte asko eta praktikatzeko gauza asko datorren asteko partida erabakigarriaren aurretik.
S16ak ezin izan ziren euskal ligako final-laurdenetatik pasa Durangoren aurka puntu bateko aldearekin galdu baitzuten. Zapore txar hori kentzeko eta edonoren mailan gaudela erakusteko, Gaztedi liga erregularreko txapeldunaren aurkako lagunartekoa baino hoberik ez dago, datorren astean jokatuko duen finala prestatu nahi baitu.
