Asteburu polita partidaz betea maila guztientzako. Mutilek Bilbon jokatuko dute. neskek Gaztedi hartuko dute eta Espoirek Lasarten jokatuko du igandean. 18 azpikoentzako bidaia Iruñera, eta 16a bidaia baita, Errioxarekin indarrak batu ditugu eta Logroñon jokatuko duguna Baztanen aurka. Eskolak bigarren jardunaldia jokatuko du Hernanin eta gure kirolaz maitemintzen jarraituko dira.
Iragan asteko garaipen garrantzitsuaren eta denboraldiaurreko sentsazio onen ondoren AVK Bera Berak ezustekoa eman nahi du Uniren aurka. Bilboko taldea oso indartuta dago eta denboraldi bakoitzean hazten ari da. Askoren inbidia den zelai batean, larunbat arratsaldean 16: 30etatik aurrera Txema eta Etorren mutilek partida osoa markagailuan gertu egotea espero dute eta zergatik ez, beste garaipen bat lortzea.
Emakumezkoen AVK Bera Berak Gaztedi talde zail eta beti handia hartuko du, 13: 00etatik aurrera Anoetan, garaipena helburu nagusia izango da sailkapenaren goiko aldean finkatzeko, oso berdindua egongo den liga batean. Larunbatean zale guztien laguntza beharko dugu, anima zaitezte.
Beste asteburu bat, maila guztietako errugbiaz gozatzeko.
