AKABAREN GARAIPEN HISTORIKOA OSITOREN AURKA L´ELIANAN (26-27)
Larunbatak 3 an 19,00 tan L´Elianan Akabak Mar Osito txapeldunaren aurka jokatzen zuen eta partidu hau donostiakoentzat momentu historiko bat bihurtu zen, 12 urtetan lehen aldiz valentziako taldea gainditzea lortu zute, bere etxean gainera. Garaipen honek alde batetik Akaba europako helburuetarako egoera honean jartzen du ,datorren astean Bidebietan 19:00 tan Vicarren aurka jokatu behar duen partidu garrantzitsuari begira, bestalde Mar Osito taldearen egoera, liga txapelketako lehen postua galdu du Eldaren mesederako (aurreko astean Eldak Osito gainditu zuen 25-24), Partidua ekintza guztietan erabatekoa eta sutsua izan zen, donostiakoak oso motibatuak zeuden eta ate aurrean eraginkortasun haundiarekin , baloirik galdu gabe, lehen momentutik aurrez aurre jarri ziren eta valentziakoek markagailuan aldentzea ezin zuten lortu, Akabak jokuan markatu zuen presioa jasan behar izan zuten, Defentsak behin eta berriz Ositoren erasoak gelditzen zituen eta erasoak berriz valentziako defentsa gainditzeko tokia aurkitzen zuen beti, jaurtiketak eta erasoak gol bihurtuaz. Penalti jaurtiketen porzentaia ere 100% izan zen Eli Pinedoren eskuetan. Atsedenera 14-14 emaitzarekin heldu ziren. Osito taldeak Tati Garmendia gain banakako defentsa jarri zuen baina Akabak bere joku maila onarekin jarraitu zuen. Minutuak igaro eta valentziako taldea urduri jartzen joan zen eta bere kalterako Cruz Robles atezaina agertu zen talde aurkaria guztiz txikitzen. Cristina Mayok partidua aurrera ateratzeko Moskova atera behar izan zuen baina tade indatu batekin eta partidua irabazteko asmoz aurkitzen zen talde batekin topo egin zuen. Moskovak ez zuen golik lortu (sinestezina) eta valentziako taldeak ezin izan zuen Akaba taldea makurrarazi. Amaierarako bost minutu falta zirenean Akabak 3 goleko abantaila hartu zuen, Morskovak aldaketa bat gaizki egin ondoren 2 minututarako kanporatu ondoren liskar haundia egon zen valentziako taldea eta epaileen artean. Presio guzti honekin donostiakoak argi ibili ziren eta Ositok egindako banakako defentsa jasan eta balioa mantentzen jakin zuten garaipena lortu arte, Bera Bera taldearen alaitasuna gainezkatuaz. Partidu bikaina jokatu zuten. ¡¡¡ ZORIONAK !!!. Akabako golegilea Eli Pinedo izan zen 10 golekin, talde osoaren lana azpimarratuaz. Hurrengo partidua Akabaren helburuentzat garrantzitsua izango da, Vicar Goya´ren aurka Bidebieta, eta epaileak Martin Franco eta Monroy Gonzalez jaunak izango dira.
