TURKIAKO TMO ANKARA TALDEA AKABA BERA BERAREN AURKARIA EUROPAKO E.H.F. TXAPELKETAN

Egin berri den E.H.F. ko 3 garren errondaren zozketan , donostiako taldeari TMO ANKARA taldea tokatu zaio. Turkiako tadea da eta “ Champions League “ tik dator, bertan lehen errondan kanporaketatik kanpo geratu zen, GAS ANAGENNISI ARTAS Greziako taldearen eskutik. Emaitzak 21- 23 eta 25-33 izan ziren, bi partiduak irailak 13 eta 15 ean izanik. Kanporaketa hontatik E.H.F. ko 2 garren errondara pasa ziren eta bertan ZRK IZOLA BORI Eslobeniako taldearen aurka jokatutako bi partiduak irabazi zituzten. 39-21 eta 39-33. Akabak lehen partidua Bidebietan jokatuko du, urtarrilak 4 edo 5 ean eta bigarrena Turkian urtarrilak 11 edo 12 an. Bera Bera eskubaloi saila dagoeneko lanean jarri da aurkariaren informazioa eta jokatutako bideoak lortzeko. Momentu honetan turkiarren potentziala norainokoa den ez jakin bat da eta dagoen informazio bakarra Turkiako selekzioak jokatu zuenekoa da, Europako Txapelketarako klasifikazioko play-off ak, 2002 ko ekainan. TMO SC ANKARA´ ko hiru jokalarik parte artu zuten: Funda Gulcen 26 urte, 1,65 zm´ko altuera,55 kg eta 50 aldiz internazionala (selekzioan internazionalitate gehien dituen jokalaria). Serpil Iskenderoglu 20 urte, 1,65 zm´ko altuera eta 13 aldiz internazionala. Azkenik Olesia Coskun, 33 urte, 1,83 zm´ko altuera eta 7 aldiz internazionala( jokalari beteranoena selekzioan). Elkartearen barruan zozketaren emaitza ez da gaizki erori, teorian behintzat aurkari zailagoak baziren eta. Ro´Casa, Canarias´Eko Taldeak berriz zozketan zorte txarragoa izan du, TV GIESSEN LUETZELLINDEN talde alemanaren aurka jokatu beharko du, aurreko denboraldian donostiako taldea europako txapelketatik kanpo utzi zuen talde bera. Beti bezala, badakizue ahalegin guztiak egingo ditugu.