Loterías Ligako emakumezkoen eskubaloiak bi begiak SUPER AMARA Bera Berak Telden larunbatean jokatu behar duen partidan jarrita izan, Montse Puchek berretsi du bere ideai, “partidaz partida, jardunaldi hau garrantzitsuena da hurrengoa delako”. Halere, jakin badaki “hil ala biziko lehia da guretzat, konplikatua eta oso zaila”.
Maiatzean “urtean egindako lana erakusle geldituko da” onartu du entrenatzaileak. “Partida ateratzen saiatuko gara, lanean ari gara ahalik eta ondoen prestatzen eta Donostiara bi puntuak ekartzen”. Bi talde hauen arteko azken erreferentzia Kopako finala da, Rocasak luzapenean irabazi zuena gol bakar batez. “Ez dugu mendeku gisa hartzen, Kopa beste lehiaketa bat delako” adierazi du Puchek. Jokoan ezer gutxi duen talde baten aurka jokatu arren, madrildarra “ez naiz fio, kalitate handiko taldea baita”. “Guk gure jokua egin behar dugu, finalean baino hobeto egoten saiatuko gara eta han egindako akatsak zuzendu, konzentraturik atera eta egoera bakoitzean adi egoten”.
Plantillaren egora fisikoaz galdeturik, Puchek aipatu du “gaur egun Etxeberria baja izango da eta ziur aski Marta López errekuperatuko da, Kopa ostean lana neurtu baitugu”. Rocasak pista berria estrenatuko du Antonio Moreno kiroldegian eta partida, Euskadin 19,30etan hasiko dena, Federazioko web orrialdean, marca.com eta Liga4sport.com ikusgai izango da.
Select your language
