16. jardunaldiak Rocasa atzeratu du
Kopako final-zortzirenetako kanporaketa ostean, emakumezkoen eskubaloiko Loterias Ligaren itzulera ez da ona izan Rocasa Ace Gran Canariarentzat, Mecalia Atlético Guardés nahiz SUPER AMARA Bera Bera taldeek lau eta sei puntuko tartea ireki baitituzte hamar partida gelditzen direnean. Galizarrak eta donostiarrak aise gainditu zituzten partidak Base Villaverde eta Canyamelar Valenciaren aurka, jeitsiera postuak saihesten ari diren bi taldeak.
Rocasak huts egin zen Málagan baina, Rincón Fertilidad talde indartsuaren aurka, bolada ona pasatzen ari dena O Porriñon irabazi eta aurten ere Kopan izango dena Aula Valladolid azken jokaldian gainditu ostean. SUPER AMARA Bera Berak El Carranqueri egingo dio bisita martxoaren 11n (18,30etan) baina lehenago larunbatean Bidebietan (18etan) KH7 BM Granollers hartuko du, modan dagoen taldea, Kopako azken fasean izango dena aurreneko aldiz, Laura Steinbach fitxatu duena urtarrilean, Mecalia Atlético Guardés eta Rocasa estutu zituena eta puntu bat urratu zion Prosetecnisa Zuazori azken jardunaldian.
SUPER AMARA Bera Bera eta Mecalia Atlético Guardés taldeek Rocasa Ace Gran Canariarekiko duten tartearen inguruan, 20 puntuko Loterías Liga gelditzen da oraindik eta hiru faborito nagusienek elkarren aurka jokatu behar dute apirilean eta maiatzean. A Guardan jokatuko du Rocasak apirilaren 1ean eta Kopa aurretik, apirilaren 22an, SUPER AMARA Bera Bera, maiatzaren 13an Teldera egingo dute bidaia donostiarrek.
Apirila iritsi aurretik, martxoan partida zailak izango dituzte gipuzkoarrek eta galizarrek. Arestian esan bezala SUPER AMARA Bera Berak Málagan jokatuko du eta Mecalia Atlético Guardések Europako kanporaketa zailari egin beharko dio aurre eta O Porriñon izango du derbia martxoaren 23an.
