Super Amara Bera Beraren entrenatzaile Montse Puchek lehengo itzulian egindako lana ”ideala” dela adierazi du, historian lehenengo aldiz 13 garaipen erreskanda lortu eta gero.
Bere iritziz, Super Amara Bera Bera “zalantzekin” hasi zen “erreferentziazko jokalariak ordezkatzen lanak izan genituen (Ziarsolo, Pinedo, Bea Fernández eta Yáñez) eta etorri berri zirenak gure jokura moldatzea”.
Gainera Iruñeako Superkopa eta Bera Berak Donostian antolatu zuen Txapeldunen ligarekin koinziditu zuena.
Hortaz, Puchek onartu du “Aularen aurka Bidebietan eta batez ere Elxen sufritu ostean, indartu gara eta baja garrantzitsuak gainditu ditugu, Temprano, Martínez eta Elorzarenak.
“Pozik” 18 jokalari erabili duelako lehenengo itzulian, “meritua beraiena da guztia ematen dutelako eta horregatik adierazi nahi diet guztiak direla garrantzitsuak, minutu asko edo gutxi jokatu arren”. Azkena, Estitxu Berasategi, “berezko dohaiak ditu, fisikoki oso ondo dago, aurtengo denboraldian transizioa biziko du, zer hobeto badauka, oso ondo moldatu da taldera eta erasoan nahiz defentsan bere ekarpena handia izango da”.
Bihar larunbata Super Amara Bera Berak bigarren itzuliari helduko dio Valladoliden, Huerta del Rey kiroldegian (19etan, Pablo García –Andaluzia- eta Juan Manuel Vinagre –Extremadura). Mecalia Atlético Guardés eta Rocasa taldeek etxerako lanak egin dituzte aste honetan Málagan eta Valentzian, hortaz, presioa donostiarrek dute orain. Aula Valladoliden aurkako partida guztiak irabazi arren, Puchek jakin badaki “partida zaila da, baloia gustoko duen taldea baita Aula, azkar jokatzen du, 2x2 pibotearekin ondo egiten du, zalegoek estutzen dute…”. Horregatik, bere esanetan, “Aularen dohaiak arindu behar ditugu defentsan” eta erasoan Super Amara Bera Berak “lan ona egin dezake defentsa delako arlorik ahulena – Loterías ligako gol gehien jasotzen duen hirugarren taldea – halere, balantze ona egin behar dugu”. Horretarako, Ligako azken deialdi bera errepikatuko du.
Select your language
