Super Amara Bera Berak bihar egingo du bidaia Pabellón de los Sueños kiroldegira Autocares Davidekin 18etatik aurrera (Jesús Escudero eta Jorge Escudero, Kantabria). Horretarako, Montse Puchek azken deialdia errepikatuko du, hau da, Bidebietan 25 minutu onak defentsan eman zituen Eider Lizarbe sartu du, Martínez eta Elorza baja direlarik.
Azaro estua izango du Super Amara Bera Berak, finkatu dituen helburuak lortzeko garrantzitsua izango dena. Hasteko, Helvetia Alcobendasi egingo dio bisita, egutegi zaila eta jokalari lesionatuak izan duen taldea, halere, sendatu dira batzuk eta aurkari arriskutsua da. Gipuzkoarrak oroitzapen onak ditu pista horretan eta partida irratiz jarraitu ahal izango da.
Loterías Ligako jardunaldia oso interesgarria da, izan ere, Super Amara Bera Bera jarraitzen duten lau taldeek elkarren aurka jokatuko dute Galizan, Godoy Maceira Porriñok Rocasa hartuko du (18etan) eta Mecalia Atlético Guardések Prosetecnisa Zuazo Barakaldo (19etan). Datorren asteartean, 10. jardunaldiari dagokion partida aurreraturik, Rocasak Zuazo (30-24) gainditu zuen, hortaz, 14 puntu ditu partida bat gehiagorekin. Hilaren 9 asteazkenetik aurrera, Guardés hartuta Bidebietan (19etan) Super Amara Bera Berak ligaxkari ekingo dio.
Alcobendaseko Pabellón de los Sueños pistara itzuliko dira Marta López, Maite Zugarrondo, Judith Sans eta partida berezia izango da Leire Aramendiarentzat, izan ere, azken bost urte igaro ditu bertan, horregatik dio “partida arriskutsua izango da lesionaturik zeudenak sendatu direlako eta geroz eta hobeto jokatzen ari dira”.
Select your language
