EHF Cupeko hirugarren kanporaketari dagokien ordutegiak zehaztu dira. Joanekoan, Super Amara Bera Berak Brest Bretagne hartuko du azaroaren 12an, larunbatean, Josean Gasca kiroldegian 19etatik aurrera; itzulera, astebete beranduago, azaroaren 19an, 20,30etatik aurrera Arena Brest izeneko kiroldegian.
Victoriia Alpaidze eta Tatyana Berezkina osaturiko epaile errusiarrak Gascan zuzenduko dute partida,Tatjana Medved serbiarra EHFKo delegatua izango delarik. Bestetik, itzuleran, Robert Schulze eta Tobias Tönnies alemaniarrak izango dira epaileak eta Francois Mulleners belgiarra delegatua. Super Amara Bera Berak ostiral goizean egingo du bidaia Biarritzetik Bretainiako Brest hirira.
Loterías Ligako 9 eta 10. jardunaldiak aurreratu beharko ditu Super Amara Bera Berak. Hortaz, gipuzkoarrek Mecalia Atlético Guardés hartuko dute azaroaren 9an, asteazkenean, Bidebietan (19etan) eta O Porriñon azaroaren 16an, asteazkena 21etan.
Azaroa estu joango da Montse Puche entrenatzailearen taldearentzat. Eta larunbat honetan hasiko da (18etan) Alcobendaseko Pabellón de los Sueños pistan (Jesús Escudero eta Jorge Escudero, kantabriarrak) 15 egunetan Super Amara Bera Berak izango dituen bost partida sorta zailetik aurrenekoa.
Select your language
