Aularen aurka sufrituz irabazi du Tempranoren omenez (26-23)

Super Amara Bera Berak Loterías ligako 2016-17 denboraldiari ireki du aurrekoa itxi zuen bezala, garaipenarekin Aula Valladolid aurreran, azken minutuak ondo kudeatu dituelako. Bertako taldea eraginkor hasi da, Martínezek kanpoko jaurtiketarekin, Ezkurdia kontrarasoan eta Marta López, transizioan. 5-1 aurretik jarri da Super Amara Bera Bera Arrojeriaren bidez eta Zugarrondoren geldiketak tarteko, gaur Temprano ordezkatu duena. Halere, Arderius hasi da Aula mugitzen erasoan eta minutuak pasatu ahala eroso sentitzen zen zentrala. Puchek iazko talde antzekoa jarri du hasieran, Sans eta Martínez erdian, Fernández eta Arrojeria ondoan, eta López eta Ezkurdia hegaletan, hori bai, Zugarrondo atepean eta geldiketa bikainak egin ditu nafarrak. Super Amara Bera Berak hutsuneak aurkitu ditu erasoan, Guerra atezainak bi geldiketa baino ez ditu egin eta atsedenaldian 15-12 aurretik. Puchek talde osoa mugitu du. Bigarren zatian beste partida bat ikusi da. Aramendian tartea irekin du (16-12), ostean Arrojeriak 18-14 ezarri du 37. minutuan, baina hortik aurrera gipuzkoarrek ezin izan dute Arderius-Terés lotura gelditu. Nafarrak gola lortzen zuen edo penaltia. Aulak berdindu du partida eta jokalari bat gehiago zuela Zugarrondok gelditu dio penaltia González de Garibay jokalariari. Alicia Fernándezen golari Viloriak eman zion erantzuna. Martínezek penaltiz sartu du, defentsan falta atera du elxetarrak eta Ederrari baloi ezin hobea eman dio. Ondoren Aulak baloia ez ezik, partida ere galdu du. Hortaz, sufritzen jakin izan du Super Amara Bera Berak Aula Valladolid talde indartsu baten aurka. Larunbatean Elxen bigarren jardunaldia, 18etan Carrusean. Fitxa: Super Amara Bera Bera 26, Aula Valladolid 23 Bera Bera 26 (15+11): Zugarrondo, López (3), Fernández (3), Arrojeria (5), Sans (2), Martínez (5, 2p) eta Ezkurdia (1) –titular-Elorza (1), Etxeberria, Ederra (3), Menéndez (2), Aramendia (1). Deialdian: Múgica eta Odriozola (o.a.) Aula Valladolid 23 (12+11): Guerra, González de Garibay (5), López (3), Arderius (7), Terés (4), Cifuentes (1) y Viloria (2) –titular- Fernández, Álvarez (1), Calderón, Vergara, y Muñiz (p.s.) Epaileak: Javier Álvarez (EAE) eta Yon Bustamante (Nafarroa) Kanporatuak: Aramendia, Arrojeria, López (2) eta Martínez (2) Super Amararik eta González de Garibay, López eta Peñas entrenatzailea Aulatik. Partzialak: 3-1, 5-4, 7-5, 10-8, 15-11, 15-12 –atsedenaldia- 16-13, 18-16, 19-18, 21-20, 23-22 eta 26-23