Leonen berragertuko da Matxalen Ziarsolo
Matxalen Ziarsolo kapitainak jokatzen utziko du eskubaloia, bere desioa betez. Taldekideekin hainbat entrenaldi saio burutu ostean, 16 jokalarien zerrendan kokatu du bere burua, hortaz, Leonen izango da larunbatean Carobels ULE Cleba León taldeari aurre egiteko, Loterías Ligako 25. Jardunaldiri dagokion partidan.
Ziarsolok ez zuen edonola jokatu nahi, taldeari ekarpena bermatu nahi zion. Horretarako laenan jardun du azken holabetean bere belauna ondo jartzen. Ezker hegaleko jokalariak urriaren 3an jokatu zuen azken partida, Bidebietan izan zen Elche Mustang taldearen aurka. Hortaz, maiatzaren 28an kirol ibilbide profesionalari pistatik bertatik agur esango dio Ziarsolok. Loterías Ligako azken partida horretan, Bera Berak Helvetia Alcobendas hartuko du, garaipen batek laugarren liga jarrain eskura jarriko luke beti ere larunbat honetan bi puntuak poltsikoratuz gero.
Leongo norgehiagoka San Esteban kiroldegian ospatuko da 19etan (ordutegi bateratua), izan ere, bertako Ademar taldeak ere etxean du liga Asobaleko partida.
