“Bikaitasun produktua zarete”

Donostiako udalak harrera egin zien atzo arratsaldean Bera Bera Eskubaloia eta izotz-hockey taldeko Txuri Urdin taldeei O Porriñon eta Donostian lorturiko Kopak aitortuz. Agerraldian, Donostiako alkate Eneko Goiak adierazi zuen “Donostiako enbaxadorerik onenak zarete, lan egiteko eredu bat eta bikaintasun produktua”. “Hiri osoa arro dago zuek lorturiko arrakastekin” azpimarratu zuen eta Bera Bera animatu zuen “laugarren Liga eskuratzeko”. Matxalen Ziarsolo kapitainak omenaldia eskertzeaz gain O Porriñoko argazki bat oparitu zion, non Bera Berako taldea podiumnean Koparekin agertzen den. Era berean, Donostiako zinegotziek Donostia 2016 kultur hiriburuko mandilak oparitu zieten jokalariei, bakoitzaren abizena eta zenbakiarekin.