Bera Berak boladari ekin nahi dio Guardésen aurka (igandean, 12,15)

O Porriñon lehengo asteburuan antolaturiko Kopako XXXVII. edizioa bereganatuz eta bi eguneko atsedena hartu ostean, Bera Bera Eskubaloiak asteazkenetik hona Mecalia Atlético Guardés taldearekin pentsatzen jarri da burubelarri (igandea, 12,15etan ETB1) Manuel Casado eta Manuel Vera epaileek zuzenduko duten partida. Hitzordurako, Puchek Bidebietara deitu ditu Kopan egon ziren jokalariak Bera Bera eta Guardés taldeen arteko lehiak estuak izaten dira eta azkeneko emaitzek are eta intesgarriago bihurtzen dute igandeko norgehiagoka. Gainera, Rocasa eta Eslovakiako Iuventa Michalovce taldearekin batera aurtengo denboraldia Bera Bera gainditzeko gai izan den taldea da Guardés. Aurreneko itzulian izan zen, urriaren 31n, 25-20 eta donostiarrak sailkapenean laugarren postura jeitsi ziren. Bidebietan berdindu Mecalia Atlético Guardés, egun hirugarren sailkapenean, Ligako lehian sartu zen urte hasieran. Halere, etxetik kanpo puntuak galdu ditu, baina erlaxaziorik ez da komeni, iazko denboraldian berdinketa lortu baitzuen (22-22). Bera Berak fisikoki nagusitasuna erakutsi zuen O Porriñon eta Kopan, egunak pasatu ahala geroz eta hobeto zegoen. Halere, Kopa osteko partida arriskutsua da eta Puchek gogorarazi die, eta ohartarazi Guardés oso aurkari zaila dela. Bera Berak eta Rocasak sei partidako Liga dute jokoan. Kanariarrek O Porriñon jokatuko dute larunbatean 18etan. Kopa Besteetan bezala, Bera Berak Kopa zalegoei eskainiko die, bosgarren aldiz lortuta jabetzan Donostian geldituko dena.