Múgica eta Husillos dira nobedadeak Málagaren aurrean
Bera Bera Eskubaloiak bihar larunbata, apirilak 2, Loterías Ligara itzuliko da bere 19. Jardunaldian Clínicas Rincón Málaga taldea hartuz Bidebieta kiroldegian 18etatik aurrera. Partidarako nobedadeak dira Maialen Múgica eta Maialen Husillos.
Lesio larria gainditurik, alboko jokalariak 15 hilabete daramatza pistatik at, hortaz, pixkanaka pixkanaka sartuko da taldean, halere, Maialen Múgicak berak deialdian egotea eskatu du sentsazioak berreskuratze aldera.
Biharko norgehiagoka Bidebietan Clínicas Rincón Málaga taldearen aurrean (Javier Álvarez –EAE- eta Yon Bustamante –Nafarroa) oso garrantzitsua da bi arlotik, bata matematikoa, izan ere, Rocasak Elche Mustang gainditurik (22-20) lau puntuko aldera ateratzen dio Bera Berari orain eta beste arloa, konfidantzari dagokio. Ia hilabetea pasatu da azkeneko partida jokatu zuenetik eta Puchek norgehiagoka ona jokatu nahi du taldeak duen sinismena sendotze aldera.
Hortaz, Puchek 16 jokalari deituko ditu, guztiak Matxalen Ziarsolo salbu, Eider Lizarbek taldean jarraituko du eta Múgicaz gain, eskuan izandako lesioa gainditurik, Maialen Husillos ere itzuliko da deialdira.
