Asteburuak ez ditu emaitza onak utzi Bera Berako harrobi taldeentzat. Euskal Ligan aurkari indartsuak zituzten senior nahiz jubenil taldeak Bidebietan. Dani Nieto eta Josu Manzanok zuzentzen duten senior taldeak amore eman zuen Indupime Basauriren aurrean, iaz zilarrezko mailan egon zen taldea. María Graciaren taldeak, berriz, ezin izan zuen Usurbil gelditu (25-33).
Kadete eta infantil mailak
Fase berrietan sartuta, Foru Aldundia txapelketan, nesken kadete taldeak 28-20 nagusi izan zen Avia Eibar Eskubaloiaren aurrean. Mutilek, aldiz, ezin izan zuten Zumarraga-Urretxuko CB Urola Goierri Bus taldeari aurre egin (24-34).
Infantil mailan, azken fasean sartuta den Bera Bera Bat taldeak galdu egin zuen Orioko Ikastetxearen aurka (26-20). Eta Foru Aldundia txapelketan, Bera Bera Bi taldeak Legazpin galdu zuen 13-7 Izaro- Laubide Iturgintza taldearen aurka eta Bera Bera Hiruk gol bakar batez 16-17 Arantzazu Ama taldearen aurka.
Argazkian Nerea Álvarez, kadete mailako jokalaria (Juan Antonio Garaikoetxea)
Select your language
