Lau Liga batean
Loterías izeneko Emakumezkoen eskubaloi liga helburuetan argiturik gelditu da eta sailkapenari so eginez lau esparru agertzen dira lehian: Liga, Europa, zortzigarren postua eta jaitsiera. Hau da irakurketa 15 jardunaldi ospatu ostean.
Mailari eusteko borrokan dira Aiala Zarautz (2 puntu), Jofemesa Oviedo (5 puntu) eta Elche Mustang (8 puntu) taldeek Carobels ULE Cleba León (11 puntu) ihes egiten ikusi dute. Elxetarrak Oviedo nagusi izan ziren 3-13 partzialari esker bigarren zatian norgehiagoka irauliz baina Carruesean Leonen aurka galdu zuten. Zarauztarrek aurkari zuzenen aurka galdu esta gero, Aritzbatalde Jofemesa Oviedoren aurrean eta Leonen, datorren larunbatean Elche Mustang hartuko dute. Granollersen eta Oviedon irabazteko gai izan dira Elxetarrak baina etxean Clínicas Rincón Málaga eta Leónen aurka amore eman zuten. Galduz gero, Aiala Zarautz taldeak bost partidako desabantaila izango zukeen Liga amaitzeko haman gelditzen direnean.
Bestetik, 12 puntu dituen hiru taldeen gertu jarri da Carobels ULE Cleba León. Clínicas Rincón Málaga, Canyamelar Valencia eta KH7 Granollers, aurreneko bi taldeek urteari ondo ekin diote eta zortzigarren izateko helburua izango dute, datorren denboraldian Kopako aurreneko kanporaketa saihestu ahal izateko.
Hiru talde hauek, 18 puntuekin, lau talde agertzen dira hiru partidetara: BM Porriño, Prosetecnisa Zuazo Barakaldo, Helvetia Alcobendas eta Aula Valladolid, -honek 19 puntu– Bera Berako hurrengo aurkaria-. Horien artean Europako azken postua legoke. Izan ere, 21 puntuekin Mecalia Atlético Guardés ez aurrera, ez atzera Bera Bera eta Rocasatik urrun.
Rocasaren aurkako garaipena ostean, Mecalia Atlético Guardések Porriñon galdu zuen eta bost puntura du Bera Bera –Kopa ostean jokatuko du Bidebietan- eta Rocasak baino zazpi gutxiago –average alde duelarik-. Donostiarrek lau puntu galdu dituzte Liga osoan eta kanariarrek bi baino ez.
Epe motzera, 18 puntu duten taldeen aurka lehiatuko da Guardes. Larunbatean Zuazo hartuko du, Kopa ostean Alcobendasera egingo du bidaia eta etxean Canyamelar Valencia izango du, matxoaren 5ean, azken etenaldi aurretik.
Donostiarrek bi puntura dute Leonen arituko de Rocasa. Kanariarrek Telden jokatuko dituzte Challenge Cupeko final laurdenetako kanporaketa osoa Serbiako liderraren aurka (otsailak 20 eta 21). Horren ostean Aiala Zarautz hartuko du Rocasak eta etenaldia aurretik Valladoliden egingo du bidaia.
Bera Berak Valladolideko Huerta del Rey kiroldegian jokatuko du larunbatean (19etan), Zarautzen Kopako kanporaketa (otsailak 20, 17,45etan), Bidebietan KH7 Granollers (otsailak 27, 18etan) eta Elxera martxoaren 5ean. Data horren ostean helburuak berretsi edo moldatu beharko dira.
