Usurbilen partida erabakiorrak

Euskal Ligako kadete eta jubenil taldeentzako azken jardunaldia da. Larunbatean Usurbilgo Oiardo kiroldegian bertako taldeen aurka arituko dira kadete taldeak 16etan eta jubenil taldea 17,30etan. Bidebietan lorturiko emaitzak behar ditu Bera Berak, euskal ligan jarraitzeko, hau da, gutxienez berdinketa bat eta garaipen bat. Bestetik, Aloña Mendiren aurka galdutako puntua dela eta behartuta dago senior taldea, Bidebietan larunbatean 20etan Ereintza Barymont taldearen aurrean. Igandean Bidebietan garaiz hasiko dira partidak, 9,30etan infantil nesketan Bera Bera Bi eta Bera Bera Bat. Maila berean 11etan, Bera Bera Hiru taldeak Bidasoa A hartuko du eta Bidebietan baita ere, 12,30etan Eibar Eskubaloia izango dute aurrean infantil mutilek. Bestetik, kadete mailako mutilen taldeak Hondarribiko Hondartza kiroldegian jokatuko du Ama Guadalupe taldearen aurka.