Taldeko bigarren kapitaina Eli Pinedo komunikabideen aurrean agertu zen bosgarren Superkoparen eta larunbatean Aiala Zarautz taldearen aurkako liga hasiera (Bidebietan 18etan) komentatzeko.
Hegaleko jokalari internazionalak onartu du Bera Bera faboritoen multzoan egotean, nahiz eta “denboraldiak pasatu ahala geroz eta zailagoa izan” baina, era berean, dio “guretzako ez da presiorik, guztia 60 minutuetan frogatu behar delako”.
Superkoparen inguruan aipatu du “zalantzak genituen baina defentsan oso ondo ibili ginen, gauza asko hobetzeko egon arren”. Asko indartu diren taldeak egon arren, bere ustez “gu geu gara aurkaririk okerrena eta hori da gure ardura, zer garen eta nora goaz”.
Aiala Zarautz taldearen aurkako larunbateko derbiaz, Pinedorentzat “oso partida polita izango da bi zaleentzat” eta onartu du zarauztarrek “ezer galtzeko ez dutela eta guztia emango dute mailari eusteko”. Horregatik dio “Superkopa ostean, intentsitate handiko partida eta gero arriskutsua litzateke gogo horiekin ez irtetea”.
Select your language
