Nantesen aurka aurpegia eman du Bera Berak Celles sur Bellen 34-22

Markagailuak adierazi ez arren, Bera Berak aurpegia eman du Celles sur Belleko txapelketako finalean Nantesen aurka galdu duena (34-22, atsedenaldian 14-15) astean zehar egindako lana bigarren zatian ordainduz.
Partidak bi zati oso ezberdinak izan ditu. Gaizki hasi arren gipuzkoarrak nagusi iritsi dira atsedenaldira baina norgehiagoka amaieran Nantesek 10-1 partzialarekin amaitu du, Bera Beraren nekea aprobetxatuz. Bretainarrak 4-0 aurreratu dira euskaldunen baloi galduak baliatuz. Ederrak pibotean lehenengo gola egin du eta ondoren Etxeberria eta Ziarsoloren txanda izan zen, taldea partidan sartuz.
Puchek bezperako taldearen aldeko apustua egin zuen aldaketa batekin, Ziarsolo Pinedoren ordez. Sans eta Martínez erdian kokaturik defentsak maila eman zuen nahiz eta Schop piboteak mina egiten zuen. Ziarsolo eta Etxeberriak gol bakarrera utzi zuten taldea eta defentsan Ana Martínezek sekulako kolpea jaso zuen esker begi ondoan, zauria egin ziona.
Taldeak buelta eman zion egoerari eta Pinedoren lau golei esker –penaltiz, hiru- eta Tempranoren geldiketak medio, atsedenaldian 14-15 aurretik.
Bigarren zatia hasi aurretik Niorteko ospitalera eraman dute Ana Martínez. Ordu dexente egon arren, puntu bat eman zioten aurpegian baina bistan ez du arazorik.
Bere taldekideek gaizki pasa zuten bigarren zatian. Nekearen ondorioz baloi ugari galdu zituen Coatenea hegalekoak ondo aprobetxatu zituenak kontraerasoetan. Menéndezek baino ez zuen asmatzen erasoan eta Zugarrondok ezer gutxi egin zezakeen Nantesen jaurtika argien aurrean.
Onena, defentsan eta erasoan egindako jokua; okerrena, Ana Martínezek jasotako kolpea eta partida hasieran eta bigarrean galdu diren baloi ugariak.
Fitxa: Nantes 34,
Bera Bera 22 Bera Bera 22 (15+7): Temprano, Etxeberria (2), Arrojeria (2), Ederra (2), Menéndez (4), Martínez y Ziarsolo (5) –titular- Sans (1), Fernández, Pinedo (5), Ezkurdia (1), Yáñez y Zugarrondo (p.s.).
Kanporaketak: Menéndez, Sans eta Arrojeria Bera Beratik.
Partzialak: 4-1, 7-4, 8-6, 9-8, 12-14, 14-15 –atsedenaldia- 15-17, 19-17, 23-18, 25-21, 31-21 eta 34-22