Gaur eguardian ezagutarazi da Vienako EHFko egoitzan lehiaketako bigarren eta hirugarren txandeetako kanporaketak. Bera Bera Eskubaloiak urriaren 24-25era arte itxaron beharko du aurkaria ezagutzeko, Eslovakiako txapeldun Iuventa Michalovce edo Luxenburgoko ligan bigarren gelditu zen HC Standard taldeen arteko irabazlean, alegia.
Bera Berak jakin badaki joaneko partida etxetik at jokatuko duela azaroaren 14 edo 15ean eta aste osoa izango du itzulera prestatzeko azaroaren 22 edo 23an, izan ere, ez da liga jardunaldirik, bai ordea Kopako aurreneko kanporaketa eta Bera Bera zozketa horretatik kanpo dago.
Antza, eslovakiarren eta luxenburgoko taldeen arteko kanporaketak favorito nagusia du, dagoeneko martxan dagoen Iuventa Michalovce, hain zuzen.
HC Standard taldeak ez du Europan debuta egin, Iuventa Michalovce aldiz ohiko taldea da Europako lehiaketetan2003-04 denboraldiaz geroztik, aurreneko aldiz Liga irabazi zuenetik. Guztira zortzi liga ditu, horietatik, azkeneno bostak.
Bost aldiz saiatu da Champions Leagueko multzon fasea jokatzen baina atarikoetan gelditu da. Aurten Eslovakiako ligak ez duen plazarik goreneko txapelketan.
Hortaz, zortzi aldiz aritu da EHFn eta lau aldiz Cup Winners’ Cupen. Final-zortzirenak iritsi da urrutien baina zozketetan ez du zorte ona izan. Iazko EHFn Errumaniako Brasov taldearen aurka galdu zuen eta duela bi urte Alemaniako Bayer Leverkusenen aurka etxetik kanpo gol gutxiago sartuta kanporatua izan zen. Errekopan, 12-13an Rostov handia izan zuen aurrean eta 11-12an, Suediako Savehöf.
Atezain espainiarra
Iuventa Michalovce taldeko jokalari garrantsitsuenak Eslovakiako internazionalak dira. Ekainean Espainaren aurka Mundiala jokatzeko txartela eskuratzeko kanporaketan izan ziren Lucia Gubiková atezaina, Hornaková pibotea, lehenego lerroko Rebicová eta esker hegaleko Trehubová golegilea. Horrez gain, lau ukraniar ditu, Levcenko hegaleako internazionala dena eta datorren denboraldiari begira Nantesetik Raquel Álvarez Lafuente atezain espainiarra eta Julia Cernovová pibote errusiarra fitxatu ditu.
Select your language
