Zozketen zain: EHFkoa, uztailaren 21ean; ligakoa, 27an

Bera Bera Eskubaloia bihar EHFk Vienako egoitzan goizeko 11etan hasiko duen zozketan sartuko da. 16 onenen artean kokatua, donostiarrak lehiaketa honetan hirugarren txandatik aurrera arituko dira, hau da, azaroaren 14-15ean joanekoa eta azaroko 21-22an itzulera. Ondorioz, Bera Berak bihar lehiaketako aurkari indartsuenak saihestuko ditu: Danimarkako Randers, Silkeborg-Voel KFUM eta HC Odense, Astrakhanochka eta Dinamo Sinara errusiarrak, Dunajvarosi eta Siofok KC hungariarrak, ASC Corona Brasov eta HCM Roman errumarriak, Handball Cercle Nimes, Union Mios Biganos Begles eta Nantes Loire Atlantique frantziarrak, Turkiako Muratpasa BSK eta Alemaniako HC Leipzig eta TuS Metzingen. Aitzitik, Suediako H65 Höör eta Norvegiako Tertnes Handball izango dira aurka zailenetarikoak. Liga Bestetik, Bera Bera Eskubaloiak datorren astelehenean, uztailak 27, Espainiako Federazioan Valentzian burutuko duen ekitaldian ligako egutegiaren berri izango du. Aurten lehiaketak hiru zatitan banatuta dago: irailaren 5etik azaroaren 14ra bitartean hamar jardunaldi jokatuko dira; urtarrilaren 13tik martxoaren 5etik arte zortzi partida eta martxoaren 30etik maiatzararen 28ra arte azken zortzi norgehiagoka.