Harrobia Zarautz, Zumaia eta Bidebietan
Jaiegunak izan arren, euskal ligan senior taldeak Zumaian jokatuko du bihar larunbata Pulporen aurka 17etan; jubenil taldeak Zarautzen Aiala ZKEren aurka 11,30etan eta kadete taldeak Zarautzen ere bai 10etan.
Bestetik, lurralde mailako kadete taldeak Gasteizko Alaiki taberna taldea hartuko du igandean Bidebietan 10etan.
Era berean, Elene Sanz kadete mailako pibotea (argazkian) deitu du aurreneko aldiz Euskadiko selekzioak Barakaldora igande arratsaldean entrenaldi saio batera, Elene Vázquez taldekidearekin batera eta Maialen Eguren eta Maitane Etxeberria jubenil jokalariak bezala.
Infantil taldeak atsedena hartuko dute asteburuan baina Bera Berak eskubaloi partidak antolatu ditu bihar goizerako Bidebietan 10etatik 11,15etara bitartean, 8 eta 12 urte bitarteko neska-mutilei zuzenduta. Horretarako, kiroldegira 9,45etan agertu beharko dira taldeak osatze aldera.
