Larunbatean, kadeteak Bidebietan (16etan) eta jubenilak, Zarautzen
Harrobiko taldeek bi partida izango dituzte larunbatean. Alde batetik, lurralde mailako kadete taldeak Leizaran Eskubaloia A hartuko du 16 etatik aurrera Bidebietan Gipuzkoako Foru Aldundia txapelketaren baitan.
Norgehiagoka honen ostean, Bera Berako Kanpusean aste honetan zehar aritu diren partehartzaileek partidak jokatuko dituzte Bidebietan bertan, ohorezko mailako Bera Bera eta Kukullaga Etxebarri taldeek, 19etan elkarren aurka arituko direnak, beroketa saioak hasi bitartean.
Bestetik, Bera Bera jubenil taldeak Aiala ZKEri egingo dio bisita Zarauzko kiroldegian 17,30etan Gipuzkoako Koparen baitan.
Eta iganderako, apirilak 27 goizeko 10,15etarako, kadete mailako Gipuzkoako selekzioak deitu ditu Irati Camino eta Elene Vázquez. Usurbilgo Oiardo kiroldegian 10,30etatik 12,30etara entrenaldi saioa burutuko dute.
