Ziarsolok eta Elorzak jarraituko dute eta Eli Pinedok kontratua luzatu du

Bera Berak akordio batera iritsi da Matxalen Ziarsolo kapitainarekin eta Patricia Elorzarekin datorren urtean bi jokalariak taldean jarraituko dutelarik. Horrez gain, hurrengo urterako sinatua izan arren, Eli Pinedok beste urte betez luzatu du hitzarmena, hau da, 2015eko ekainerarte. Taldeko aurrekontuak jaitsiera jasan arren, Bera Berako arduradun Tati Garmendiaren asmoa da “ahal dugun neurrian hiru txapelketak eskuratu dituen taldea mantentzea”. Zentzu honetan, “hitzarmena berritzeko jokalariek egin duten esfortzua eskertu nahi dut”.