Veliko Tarnovo talde bulgariarraren kontra egingo du bere debuta Europan Akaba Bera Berak
Asteburu honetan EHF Kopako lehenengo kanporaketa jokatu egin da, Akaba Bera Berak ez zuen jokatu behar, eta HK ETar Veliko Tarnovo izango da donostiarren Europako leihaketan lehenbiziko aukaria, Huyser E en O holandarrak gainditu duelako.
Bere ligako talde indartsuenetako bat da Veliko Tarnovo, eta urtero parte hartzen du Europako txapelketetan; duela bi urte Txapeldunen Ligan egon zen, eta iaz Challenge Cupeko hirugarren kanporaketara iritsi zen.
EHF Kopako lehenengo errondan bi partidak jokatu ditu etxean, eta horietako lehenbizikoan 26 eta 18 irabazi zion Huyser E en O holandarrari, zeinek nahiz eta bigarren partidan 23 eta 22 irabazi, hurrengo errondatik kanpo geratu da.
Hurrengo kanporaketako lehenengo partida Urriak 11an izango da, eta Akaba Bera Bera taldeko arduradunek negoziazioak ireki dituzte bi partidak Gipuzkoan jokatu ahal izateko.
